Instagram AI kontentini filtrlamaydi: Adam Mosseri yondashuvi

Instagram rahbari Adam Mosseri suniy intelekt (AI) bilan bog'liq bahslarga yangicha yondashuvni taklif qilmoqda. Uning so'zlariga ko'ra, suniy intelekt yordamida yaratilgan tasvirlar va videolarni platformadan butunlay taqiqlash yoki avtomatik tarzda filtrlab tashlash noto'g'ri qaror bo'ladi. Buning o'rniga, Instagram ushbu turdagi kontentni belgilab qo'yish (labeling) orqali shaffoflikni ta'minlashni rejalashtirmoqda.

Mosseri suniy intelektga bo'lgan munosabatni shaxsiy tanlov masalasi sifatida ko'radi. Uning aytishicha, agar foydalanuvchi suniy intelekt yaratgan kontentni xohlamasa, u o'z tasmasida uni ko'rmasligi kerak, lekin bu tizim barcha uchun umumiy taqiq bo'lmasligi lozim. Shu bilan birga, AI kontentini yoqtiradiganlar uchun maxsus "AI shaharchasi" kabi tasmalar yaratish imkoniyati ham ko'rib chiqilmoqda.

Ushbu yondashuv platformalarning foydalanuvchilar tajribasini shaxsiylashtirish strategiyasiga mos keladi. TikTok va YouTube kabi raqobatchilar ham AI kontentini tartibga solishda shunga o'xshash yo'llardan bormoqda. Instagram bu borada texnologik taraqqiyotni qo'llab-quvvatlagan holda, foydalanuvchilarning kontentni boshqarish huquqini saqlab qolishni ko'zlamoqda.

Kelajakda ushbu funksiyalar yanada rivojlanib, suniy intelekt yordamida yaratilgan vizual va matnli materiallar uchun aniqroq moderatsiya vositalari taqdim etilishi kutilmoqda. Mosserining ta'kidlashicha, suniy intelekt – bu shunchaki vosita va uni qanday iste'mol qilish foydalanuvchining o'z tanlovidir.